اگر جو دیکھو تو چپ ہی رہنا

 اگر جو دیکھو تو چپ ہی رہنا کسی بشر کا جو راز پاؤ یا عیب دیکھو تو چپ ہی رہنا اگر لوگ آئیں’ تمہیں کریدیں تمہیں منائیں’ تمہاری ہستی کے گیت گائ...

 اگر جو دیکھو تو چپ ہی رہنا

کسی بشر کا جو راز پاؤ

یا عیب دیکھو تو چپ ہی رہنا

اگر لوگ آئیں’ تمہیں کریدیں

تمہیں منائیں’ تمہاری ہستی کے گیت گائیں

تمہیں کہیں کہ

بشر میں دیکھی برائیوں کو بیان کر دو

تو چپ ہی رہنا

جواز یہ ہے دلیل یہ ہے 

ضعیف لمحوں کی لغزشوں کو

حرام ناطے کی قربتوں کو

ہماری ساری حماقتوں کو

ہماری ساری خباثتوں کو

وہ جانتا ہے’وہ دیکھتا ہے

مگر وہ چپ ہے

اگر وہ چپ ہے تو میری مانو

وہ کہہ رہا ہے کہ 

چپ ہی رہنا۔۔۔۔

افتخار احمد عثمانی