جب میں اُس کے گاؤں سے باہر نکلا تھا ﺍﺳﻠﻢؔ کولسری

  جب میں اُس کے گاؤں سے باہر نکلا تھا  ہر رستے نے میرا رستہ روکا تھا  مجھ کو یاد ہے جب اس گھر میں آگ لگی  اوپر سے بادل ...

 

جب میں اُس کے گاؤں سے باہر نکلا تھا 

ہر رستے نے میرا رستہ روکا تھا 

مجھ کو یاد ہے جب اس گھر میں آگ لگی 

اوپر سے بادل کا ٹکڑا گزرا تھا 

شام ہوئی اور سورج نے اک ہچکی لی 

بس پھر کیا تھا کوسوں تک سناٹا تھا 

میں نے اپنے سارے آنسو بخش دیے 

بچے نے تو ایک ہی پیسہ مانگا تھا 

ﺍﺱ ﻧﮯ ﺍﮐﺜﺮ ﭼﺎﻧﺪ ﭼﻤﮑﺘﯽ ﺭﺍﺗﻮﮞ ﻣﯿﮟ

ﻣﯿﺮﮮ ﮐﻨﺪﮬﮯ ﭘﺮ ﺳﺮ رﺭﮐﮫ ﮐﺮ ﺳﻮﭼﺎ ﺗﮭﺎ

شہر میں آ کر پڑھنے والے بھول گئے 

کس کی ماں نے کتنا زیور بیچا تھا 

ﻟﻮﮔﻮﮞ ﻧﮯ ﺟﺲ ﻭﻗﺖ ﺳﺘﺎﺭﮮ ﺑﺎﻧﭧ ﻟﯿﮯ

ﺍﺳﻠﻢؔ ﺍﮎ ﺟﮕﻨﻮ ﮐﮯ ﭘﯿﭽﮭﮯ ﺑﮭﺎﮔﺎ ﺗﮭﺎ

ﺍﺳﻠﻢؔ کولسری