بزبان شاعر: جناب نصیر ترابی

    ‏آج 10 جنوری نصیر ترابی کا یومِ وفات ہے (پیدائش 15جون 1945ء- وفات : 10جنوری2021ء)   بزبان شاعر: جناب نصیر ترابی   وہ  ہمسفر  تھا  مگر  ا...

 

 

‏آج 10 جنوری نصیر ترابی کا یومِ وفات ہے

(پیدائش 15جون 1945ء- وفات : 10جنوری2021ء)

 

بزبان شاعر: جناب نصیر ترابی  

وہ  ہمسفر  تھا  مگر  اس سے ہمنوائی نہ تھی

کہ  دھوپ  چھاؤں کا  عالم رہا جدائی نہ تھی

نہ  اپنا  رنج  نہ  اپنا  دکھ  نہ  اوروں  کا  ملال

شبِ  فراق  کبھی  ہم  نے  یوں  گنوائی نہ تھی

محبتوں کا سفر کچھ  اس  طرح  بھی گزرا  تھا

شکستہ  دل  تھے  مسافر  شکستہ  پائی نہ تھی

عداوتیں تھیں ،  تغافل تھا،  رنجشیں  تھیں   مگر

بچھڑنے والے میں سب کچھ تھا ، بے وفائی نہ تھی

بچھڑتے  وقت  ان  آنکھوں  میں  تھی  ہماری  غزل

غزل  بھی  وہ  جو  کسی  کو  ابھی سنائی نہ تھی

کبھی  یہ  حال  کہ  دونوں  میں یک دلی تھی بہت

کبھی   یہ   مرحلہ   جیسے  کہ   آشنائی   نہ  تھی

عجیب  ہوتی  ہے  راہِ سخن   بھی   دیکھ   نصیر

وہاں  بھی  آ  گئے  آخر  جہاں   رسائی   نہ   تھی

(آغا خان یونیورسٹی کراچی مشاعرہ 25 مارچ 2016)،