فیض احمد فیضؔ ¹⁹⁸⁴-¹⁹¹¹ مجموعۂ کلام : (غُبارِ ایّام)

  پھر     آئینۂ     عالم     شاید     کہ    نکھر    جائے​ پھر     اپنی    نظر     شاید   تا   حدِ   نظر   جائے​ صحرا   پہ   لگے   پہرے   اور...

 

پھر     آئینۂ     عالم     شاید     کہ    نکھر    جائے​

پھر     اپنی    نظر     شاید   تا   حدِ   نظر   جائے​

صحرا   پہ   لگے   پہرے   اور   قفل  پڑے   بَن  پر​

اب    شہر   بَدر    ہو   کر ،   دیوانہ   کِدھر   جائے

خاکِ   رہِ  جاناں   پر    کچھ  خوں  تھا  گِرَو  اپنا​

اس   فصل  میں  مُمکن   ہے ،  یہ   قرض اُتر جائے​

دیکھ آئیں چلو ہم بھی ، جس بزم میں سُنتے ہیں​

جو   خندہ   بہ لب   آئے  ،  وُہ   خاک   بسر   جائے​

یا  خوف  سے  درگزریں ، یا  جاں  سے  گُزر جائیں​

مرنا    ہے  کہ  جینا   ہے  ،  اِک   بات   ٹھہر   جائے​

فیض احمد فیضؔ ¹⁹⁸⁴-¹⁹¹¹

مجموعۂ کلام : (غُبارِ ایّام)